Begirunea izateak ez du esan nahi iritzi bera edo arrazoia izan behar dugunik, ez eta adierazpen askatasuna baldintzatu edo herritartasun aktiboaren erabilpena mugatu behar dugunik ere. Begirunea balio eta elkarbizitza kontua da eta konpromiso indibidual eta kolektiboa izan behar du.
Sarean era guztietako pertsonak eta informazioak aurkitzeko aukera dugu eta, beraz, horiek guztiak gure balio, iritzi edo lehentasunen kontrakoak edo bestelakoak izan daitezke. Horregatik, beharrezkoa da norberaren askatasuna erabiltzeko gaitasuna garatzea, besteen eskubideei kalterik egin gabe. Aldi berean, partekatzen eta zabaltzen ditugun informazioak zalantzan jarri eta egiaztatu behar ditugu, ezinbestean. Interneteko solasaldi osasungarriek gure ongizate digitala sustatzen dute, gizabanako eta gizarte modura.
Zure adierazpen askatasuna modu arduratsuan bete
Gogoeta egin ezazu ea nola eragiten dien beste pertsona batzuei eta haien eskubideei
Kritika bat egin aurretik, pentsatzeko astia har ezazu
Ziurta zaitez aski informazio badaukazula eta egiazkoa dela, kritika justifikatzeko adinakoa
Errespetuzko tonua eta hizkuntza erabili
Adierazpen mingarriek edo oldarkorrek sinesgarritasuna murrizten dute eta erantzun bortitzak eragiten dituzte
Gogoratu iraintzea, difamatzea edo kalumniatzea ez dela adierazpen askatasunaren erabilera egoki bat egitea
Batzuetan ondorio legalak egon daitezke
Kontuan izan lintxamendu digitala bortizkeria mota bat dela
Ez lagundu talde erasoetan, eta zure esku dagoena egin horiek gerta ez daitezen
Errespetatu zu bezalakoa ez dena edo ezberdin pentsatzen duena
Aniztasuna ikasteko eta gozatzeko aukera bat da
Diskriminatuta dauden ideiak edo taldeak irrigarri uzten dituzten kateak edo memeak eten
Erlijioa, etnia, arraza, nazionalitatea, hizkuntza, ideologia, sexu orientazioa edo genero identitatea ez dira bazterkeriarako arrazoi
Gizarte talde baten aurkako mehatxua suposatzen duten edo indarkeria eragiten duten iruzkinak errefusatu
Aurka jartzea da horiek gelditzeko modurik egokiena
Saia zaitez zure babesa erakusten tratu bidegabea jasaten ari dela uste duzun horri
Keinu txiki bat laguntza handikoa izan daiteke
Tonu positiboa eta tolerantea nabarmendu
Internet leku hobea izan dadin lagun ezazu bizikidetza eta gozameneko giro ona sustatuz eta sortuz